Paroles des chansons Sindarin

Naergon am Moromir

Trî Rohan or thalf ar parth ias thâr daen gala
i Hûl Annui tôl vódiel, ar erin raim pada.
"Man siniath o Ndûn, sûl reviol, tegich ne dú ennin?
Cennich Voromir i Daur nu Ithil ar elin?"
"Hon cennin nored na odog sîr, na nîn laind ar vithrin;
hon cennin baded mi nôr ereb, nan methed e-guil dîn
min dúath en-Forod. Dan ú-achennin hon.
Sûl Forod lastant aen rom e-Denethorion."
"Ai Boromir! Uin raim dynd nan Ndûn tirnin balan,
dan ú-dellich o ndôr ereb ias ú-guia adan."

Uin ethir Gaer Sûl Charn revia, uin lithgym ar i sern;
i chonath in-gwael san côl, nalla nan annon 'ern.
"Man siniath o Charad, sûl nallol, tegich enni neth thin?
Si mas Boromir i Vain? Abdôl ar drass gerin."
"Avbedo enni mas e dortha - caedar i firn rim
na falas nim ar falas vorn nu 'wilith 'waerin;
pin rim dadvennir Anduin hired 'Aer rimmol.
Pedo na Hûl Forn hiniath Sûl Forod enni côl!"
"Ai Boromir! Athan ennyn râd nôr nan ndúvechîth,
dan ú-dellich nan gwaelchaun od ethir Gaer vith."

Od Annon Erain Sûl Forn nôr, lanthir rimmol athrada;
ar nim ar ring erin minas rom dîn mrui nalla.
"Man siniath of Forod, sûl veleg, aur hen tegich ennin?
Man siniath o Voromir veren? Anann hon ú-gennin."
"Nu Amon Hen lastannen gaun. Guid rim ennas mathant.
Nan nen tyngir vagol narchannen ar ristannen thand.
I dhôl dîn hall ar nîf dîn bain, hon caedanner sedho;
ar Rauros vallen, Rauros vrui dad dhuin and coll ho."
"Ai Boromir! No Minas Tirith an-uir tîr na forn
na Rauros, lanthir vallen hen, nan meth amar-ringorn."

(Texte par J.R.R. Tolkien, traduction, mélodie et chant par Maewen)

Rath Fair

Gardhrain ameriol an ngovaded i amrûn goll,
i astrog nallol, toltho thoron a thoged nin,
an min gûr nín celin gaul long,
si bedin na rath Fair,
padol rath Fair, padol rath Fair.

Boe enni maded, darthad, dan ú-belin caedo,
i ross tôl, loen, nad ú-chirnin a thobad nin,
lû anann na hirin i mâr nín
si bedin na rath Fair,
padol rath Fair, padol rath Fair.

Ithil eriol, dolthol raith erib nan genid glass
in elin thinnar, i vôr danna, câr 'ardh gostad
dartha dínen a mreithad Menel,
si bedin na rath Fair,
padol rath Fair, padol rath Fair.

(Texte et mélodie par America, traduit par Thorsten, chanté par Maewen)

I Nennin

A linn' o laiss, o laiss dhennin,
pen-gwanod carallaiss caedar.
A ceno yrn, i velegyrn
gelin: peleth a gurth dîn lint.

Bronatha cuil, egor fern pân
- ú-belin peded han,
I galad io, i naur si gwann,
aur vîn en-umarth pant.

A matho hûl, i cheleg-hûl,
sui aew thiar i nennin laiss!
Mar loss telitha, loss buig ring,
of Forod, dannatha of fain?

No tebitha carallassath,
no díhenol e-gaun vîn meth.

(Ecrit par Thorsten, chanté par Maewen)

Gûr nîn abronatha

Nef fuinath min elei,
gen cenin, gen mathon,
an nad hen iston ce brona.

Thar-chaered palan ar
i menath im ven,
tellich a thaith ce brona.

Ardhath, nan had ias dorthach,
gerin estel i 'ûr nîn brona,
ned lû i annon edrach,
ar dorthathach mi 'uren
ar gûr nîn abronatha.

Meleth ven pôl hiri,
ar brona a chuil bân,
allú gwanna na erthennin.

Meleth ir melannen
gen, millú thenin
renin mi guil nîn bronatham.

Ardhath, nan had ias dorthach,
gerin estel i 'ûr nîn brona,
ne lú i annon edrach,
ar dorthathach min guren
ar gûr nîn abronatha.

Ce si, ú-'oston nad,
ar iston guren bronatha.
Darthatham uireb godref,
ce beriannen mi 'uren,
ar gûr nîn abronatha.

(De la bande originale du film Titanic, traduit par Thorsten, chanté par Maewen)

Laer Glanwen

Edlothiasser yrn ar echuir herias,
hîth hilivren lodas erin duin.
Glanwen vain nan falas padas,
bant na falas varadh, na nen luin.

Ephadas, aphadol heriant 'lired
o thôr vithren, thoron erin nain,
pen velannen, i se anirn hired,
ar os son e hemb i siniath bain.

Lasto lind, a lasto i 'wend linnol,
glîr revia nan galad Anor 'ael,
ar am maethor i nôr balan minnol
túgiel o Glanwen i suil fael.

No e renitha i 'wend i ammain,
no e lastatha i linnad dîn,
no e beriatha i mar in-edain,
a hêb Glanwen veleth dîn anin.

Edlothiasser yrn ar echuir herias,
hîth hilivren lodas erin duin.
Glanwen vain uin falas padas,
bant of falas varadh, o nen luin.

(Sindarin par Maewen & Aran, original en Russe (Katyusha) par Michael Issakowsky, mélodie par Matwej J. Blanter)

Laer Mithrandir o Lórien

Mi Dhwimordene, mi Lórien
i nail Edain ú-vennir rim,
ú-gennen na chin rim fírib
galad 'ael darthol uireb.
Galadriel! Galadriel!
I nen en-eithel lîn míriel;
nim i êl min gam lîn 'lân
althoe, alwoer i laiss ar trann
mi Dhwimordene, mi Lórien
bain athan adanoeth rim.

(Texte par J.R.R. Tolkien, mélodie par Caspar Reiff, traduit et chanté par Maewen)

Retour