Paroles des chansons en Quenya

Ulúlië

Ulúlië

ulúlië,
envinyanta i arda.

rossëo patië upústië,
ar nén lastanyë anurro,
i vista quanta wénwa,
quanta cuileva.

aurë síla terë lumbor,
linqui lassi mirilyar,
ar cénanyë laurëa cálenen
lóteli apalo.

ar sinta lúmen
nyérenya hautëa,
órenya séressë.

ulúlië...

(Texte et traduction par Thorsten, melodie et chant par Maewen)

Umin harya lúmë

Lóteriello tátanyassë
lantar ninqui lassi loaiva.
Yando lantar i loxenyanna
i mori lassi ahava.
Pustanen quetë órenya,
lencavë rahtar mányat
i astonna hirien nat.
Melinyë sí sambenya.

Ar umin harya lúmë cenien tárë quennar,
ar lirien i linyenwa lirilla,
ar hilien i quenin yar nar ú nólëo,
ar mahtien natinyan ilaurëa.

Ar umin harya lúmë,
quenin umin hilya
yar lelyëar i mennar
yassë quen cé vanwa ná.
Ar umin harya lúmë,
quetin namárië.
Autanyë cuilenyan,
autan cuiletië.

Ar umin harya lúmë i linyenwa tyalien,
ar ná voronda quenin úvorimë,
ar mótien mahta enwinë costier,
ar umin merë atahehta melmë.

Ar umin harya lúmë,
quenin umin hilya
yar lelyëar i mennar
yassë quen cé vanwa ná.
Ar umin harya lúmë,
quetin namárië.
Autanyë cuilenyan,
autan cuiletië.

(Texte et mélodie par Gerhard Gundermann, traduction Quenya et chant par Maewen)

Fainala lómi

Ilyë aurissen - tulin sinomë
ilaureavë - marit ar lá quetit
mauya vanya - vanya ve lindë
mauya vanya - vanya lá aurë
á mapa lúmenya

Fainala lómi - cálë morniessë
mornë mirilyar calar
nin ce' óla

Ilyë aurissen - merin quettatya
ilaureavë - cenin hendutya
polin vanya - linda ve quettar
polin vanya - linda ve merit
írë ce nissë

Fainala lómi - cálë morniessë
mornë mirilyar calar
nin ce' óla

Ir' aurë sinta - lencavë autat
nan atacenit ar hautatyë
mauya vanya - an nan leryaina
ná anvanya - ve oloretya
an cenin cálë

Fainala lómi - cálë morniessë
mornë mirilyar calar
nin ce' óla.

(Texte et mélodie par Rosenstolz, traduction Quenya par Thorsten, chanté par Maewen)

Lala

Polin lalata er cen,
lá quetit,
ar istan
orë nin auta.

Pollen ónyarë ce,
lómissen,
quettatya utúpien,
ar ce né harë nye.

Lala, nin equétiet,
mauya lala,
ata á orta,
avá enyal'
ar na pahtë hendu,
ar mánya cessë ná.

Pollen melita er cen,
er istat
sanwenya, istat nyérë.

Polin úquetë cessë
lümessen,
lastanyet oloretyanen
ar ce ná harë nye.

Lala, nin equétiet,
mauya lala,
ata á orta,
avá enyal'
ar na pahtë hendu,
ar mánya cessë ná.

(Texte et mélodie par Rosenstolz, traduction Quenya par Thorsten, chanté par Maewen)

Retour